PRESS RELEASE
NO.52/2024
SIAHA, 6 Thlazoh, 2024, Hriaheinoh – Atanoh dawh 1:00 PM kha ta Siaha College Vaih liata ‘Village and Small Enterprise’ (VSE) ry liata “Diploma in Fashion Designing Training Course” achuhaipazy amâ chuna su cha Mara Autonomous District Council (MADC) Sports & Youth Services Department totuhpa Puhpa T. Seido, Hon’ble Executive Member (EM) ta ama duahmo pahnopasia tah, mokhei awpa ta achuna su a tly.
He daihti liata programme chyupa taopa liata Puhpa VT. Martin Vabeiduakhei, Assistant Sport Promotion Officer ta a chhihtha. Puhpa T. Seido, Hon’ble EM ta biereina daihti a hmâh.
Puhpa T. Seido, Hon’ble EM chata “khizaw â dua chhôh ta eima peimawhpa cha atobina chysia he châ ta, atanoh liata he chysia designing achupazy ta tiama kawpa ta namâ chu vei khiatala hmâ tlâh châ leipa aw ei chi ta, tâkô pha kawpa chhao he a hmâtuhpazy ta a tiah kawpa ta ama chata vei khiah hmâ tlâh a châ leipa hawhta nâmo chhao ta nama thainazy pathieh lymâ u la, hmâ tlâh nama châ awpa he eima kho chaipa a châ” tah ta, sawhkhâ rai he ta miah adaih khai tiah leipa ta, eima talent-zy a tluapapuakheipa he MADC Sports & Youth Services Department ta eimâ chhuah chaipa châ ta, atahmâ namâ chu ngâhaipa nama patlô tita cha eima râh nata district châta hmâtlâh châpa designer châ achhuah chyu awpa ta khokheina sâh chaipa ei châ hlâ ei” tahpa pasyuna bie pha kawpa a reih.
Puhpa Thatha Khaimeichho, Principal, VSE, College Vaih, Siaha ta daihti chhâna liata alynabie reina daihti hmâh ta, Puhpa T. Seido, EM i/c Sports & Youth Services Department, MADC ta ano pôhpa tlaita a su tlai tlypa ta amâ chuna a mokhei theipa cha aly â chhihzie reih ta, Fashion Designing Training Centre nata student zydua vyuhpa ta alynabie a reih.
Puhpa T. Seido, EM zachhihpa he Puhpa Jeffrey J. Khara, Vice president, MJA Siaha nata official thokhazy ta ama zi hra.
Atakô 2024 liata ‘Diploma in Fashion Designing Training Course’ he Siaha College Vaih liata Fashion Designing Training Centre, VSE nata MADC Sports & Youth Services Department apakaohpa ta ama pachhuapanohpa a châ.
ISSUED BY:
Information & Publicity Department
Mara Autonomous District Council
Siaha.
![](https://www.madconline.com/wp-content/uploads/2024/08/WhatsApp-Image-2024-08-06-at-4.21.49-PM-450x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-06-at-4.21.50-PM-450x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-06-at-4.21.52-PM-450x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-06-at-4.21.53-PM-450x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-06-at-4.21.54-PM-450x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-06-at-4.21.55-PM-450x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-06-at-4.21.56-PM-422x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-06-at-4.21.57-PM-450x300.jpeg)
You must be logged in to post a comment.