PRESS RELEASE
NO.50/2024
SIAHA, 30 Khihpa, 2024, Hriaheinoh – Atanoh my dawh 11:00 AM kha ta Puhpa T. Seido, Hon’ble Executive Member (EM), Mara Autonomous District Council (MADC) ta ano official chamber liata Siaha District Hockey Association (SDHA) Leader-zy apakyhna daihti a hmâh.
He apakyhna daihti liata Chhithatuhpa Puhpa VT. Martin Vabeiduakhei, Assistant Sport Promotion Officer ta devotion hmâh ta, Pihnô J. Lalzuimawii, President, SDHA ta hmia pahnosana hnei ta, SDHA hmahlana nata hmahla haipa zy report a pie; Pihnô B. Ngokei, Treasurer, SDHA nata Puhpa Jeffrey Khara, Vice president, MJA, Siaha zy ta biereina chyupa daihti ama hmâh hra.
MADC Sports & Youth Services Department totuhpa Puhpa T. Seido, EM zachhihpa chata biereina chyupa daihti hmâh ta, Hockey he kô 40 a sie hapa lia kha cha eima râh liata Sports peimawh chaipa sâkha châ ta, Hockey Tournament liata Champion pa, Dawbeih kha 10 ala theituhpazy cha apalaikheitlâh a châpa ama châ tah ta, SDHA zy thathiehpa ta ama vaw pathaopatôh thei heihpa cha aly â chhihzie reih ta, SDHA leader-zy cha hnabeidy leipa ta hria hualua awpa pasyu ei ta, hmialâ daihti liata rairuna a ypa chhaota MADC Sports & Youth Services Department nahta hrialâhpa ta chatôh khoh lymâ awpa ta pahruana nata ahawna a tao.
Dahti chhâna liata Puhpa Jeffrey Khara, Vice president, MJA, Siaha ta thlahchhâna hneipa ta apakyhna daihti he pachhâsapa a châ.
ISSUED BY:
Information & Publicity Department
Mara Autonomous District Council
Siaha.
![](https://www.madconline.com/wp-content/uploads/2024/07/WhatsApp-Image-2024-07-30-at-2.02.59-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-30-at-2.03.00-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-30-at-2.03.01-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-30-at-2.03.02-PM-1-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-30-at-2.03.02-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-30-at-2.03.03-PM-450x300.jpeg)
You must be logged in to post a comment.