PRESS RELEASE
NO.43/2024

SIAHA, 16 Khihpa, 2024, Hriaheinoh – MADC Sports & Youth Services Department ta Skill Development ry liata ‘Football Coaching & Referee Training 2024’ noh 4 chhôh ô awpa ta a pachhuapanoh awpa cha atanoh dawh 12:00 Noon kha ta Puhpa S. Vabeihasa, Sports & Youth Officer (S&YO), MADC ta a pahy.

He daihti he Puhpa VT. Martin Vabeiduakhei, Asst. Sports Promotion Officer (ASPO), MADC ta chhihtha ta, Puhpa T. Vabeichhuakhu, Sr. Vice President, SDFA & Secy. i/c Games & Sports, MTP General Headquarters ta devotion daihti a hmâh.
Puhpa B. Beichakao, Instructor ta report pie ta, Puhpa A. Thazi, Instructor ta vote of thanks a reih.

Pahytuhpa Puhpa S. Vabeihasa, S&YO chata biereina chyupa daihti hmâh ta, “Mara thyutliapazy ta paritheipa tawhta eimâ boh thei nawpa ta hmahlana kyh liata atanoh liata training hnei awpazy maophaohna nama hnei; thyutliapazy sports lâta promote-tuh awpa nama châna liata sapa lâ liata mission chakaona rai rônah ngaitapa ahriapa hawhta a pachâ tu la, Certificate hnei nawpa ta training thlâhthli leipa ta, hlaotlohna hmô cheingei a chhuah u la, vision/goal hneipa ta, rairuna hluhpi y hrasala cha goal cha tlô hlâ lei tiama hnolo awpa peimawh ta, eima pahâna nochâ liata hlaotlohna eima hmô ti ta Mararâh he râh rônahpa a vaw châ cheingei aw.”

“Chyhsapa châta hmopha taopa he Khazohpa policy lai kawpa a châ; phusâ mâ sai ta tao leipa ta Khazohpa bie hawhta eima talent-zy he eima papôhsa awpa a châ. Trainers/Coach nahzy he keimo hlâta châ thai lei viapa, thaina a hnai viapa chhao a ma châ thei aw – anodeikua eima pachutuhpa ama châ hapa vâta eima za awpa nata ama rei eimâ ngiah awpa a châ” tah ta, he Football Coaching & Referee Training 2024 a kiah awpa zydua hnoh ta khokheina bie nata pasyuna bie pha kawpa a reih.

Football Coaching & Referee Training 2024 he Siaha District Football Association (SDFA), Playground, Meisatlâh liata târi 17 – 20 July, 2024 – noh 4 chhôh ta pie awpa a châ.

He Training he khih/vaih to tawhta chyhsa pa 2 sai hia thei awpa ta târi 1 July, 2024 kha ta Circular papuapa châ ta, târi 12 July, 2024 taihta application form pangiana daihti pahypa a châ. Atanoh pahyna programme liata khi/vaih 15 tawhta manôh 22 zy ta Training kiah awpa ta amâ vaw hlao thei.

ISSUED BY:
Information & Publicity Department
Mara Autonomous District Council
Siaha.