PRESS RELEASE
NO.42/2024
SIAHA, 12 Khihpa, 2024, Chutynoh – Atanoh zâlâ dawh 2:00 PM kha ta Puhpa S. Lalremthanga, Hon’ble Dy. CEM, Mara Autonomous District Council (MADC) ta a portfolio to thiehpa Information & Publicity (I & P) Department liata Officers nata Staff zy ano Official Chamber liata meeting a hneikhei.
He daihti liata Puhpa S. Lalremthanga, Dy. CEM zachhihpa chata Information & Publicity Department liata Officer nata Staff zy hnoh ta pasyunabie reih ta, Officer nata Staff zy cha hriaparaohna phapa hnei awpa nata rairuna apahnokhei thai awpa apeimawh zie zy reih ta, MADC ry liata Information & Publicity Department he Department chynawh kawpa châ hrasa la, MADC hmia â lâna peimawh kawpa a châ vâta Officers nata Staff zy cha tiama papua lymâ awpa ta pasyunabie pha kawpa a reih.
Mararâh liata chyhsa hluhpi sawhkhâ raihriana hnei leipa ta ama y hai no ta, MADC liata hriapazy he byhnâ ato patluapa eima châ tahpa reih ta, eimâ phana rakha liata Mararâh châta lopapua lymâ awpa a châ; eima yna Department a lai tly ma, a chyh tly ma, eima rai liata ngâchhih kawpa nata thathyu kawpa ta hria awpa ta Mararâh ta miah â hnawh tahpa a reih. Dy. CEM ta â vao thieh awpa Information & Publicity Department he palôhru thiehpa ta siekhei eimâ chhuah awpa a châ tah ta, Officers nata Staff zy cha hrialâh phapa châ chyu awpa ta hruana nata ahawna a tao.
Information & Publicity Department tawhta HoD Puhpa Beirokhu Beita, I & PO ta Department duahmo tlâhpipa report pie ta, Puhpa Pawsa Lava, Asst. ITO ta Department hmo peimawhpazy cha Dy. CEM hnohta tlôkheina nata reina a hnei hra.
MADC GAD Notification No.A.16011/2/2021-GAD of 08.07.2024 bie hawhta Puhpa S. Lalremthanga, Hon’ble Dy. CEM he ta Department sâpangawh – Primary School, Hindi Education, Board of School Education, Information & Publicity Department nata Samagra (M/S & UPS) – zy mohôh awpa ta portfolio piepa a châ.
ISSUED BY:
Information & Publicity Department
Mara Autonomous District Council
Siaha.
![](https://www.madconline.com/wp-content/uploads/2024/07/WhatsApp-Image-2024-07-12-at-4.27.13-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-12-at-4.27.20-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-12-at-4.27.22-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-12-at-4.27.23-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-12-at-4.27.26-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-12-at-4.27.27-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-12-at-4.27.30-PM-450x300.jpeg)
You must be logged in to post a comment.