PRESS RELEASE
NO.73/2024

SIAHA, 12 Thlarâh, 2024, Pobienoh – Atanoh dawh 1:00 PM kha ta MADC Secretary to District Council pahrâ nawpa office room châta rao thiehpa cha Secretary to District Council a châ ngâhaipa Puhpa Pheiki Solo ta atanoh tawhta pahrâ pâ awpata Khazohpa lâ pavaosana thlahchhâna daihti a hmâh.

Rev. Z. Hrohmô, Assembly Secretary (Jr.) & ECM Siaha Vaihpi Biatuhpa cha Devotion hmâh awpa ta hruapa châ ta, Hlazy 145:19-20, Khazohpa Biehrai Pathaihpa reina nata reipakawhna hnei ta, he khai tawhta Puhpa Pheiki Solo, Secretary to District Council châta Khazohpa lâ pavaosana nata byhnâ awna thlahchhâna a hneipa.

He daihti liata Puhpa C. Chehnei, Dy. Chairman, MADC chhao â hlao thei hra.

Secretary to District Council office room he MADC Main Complex chhâh 3-na, MADC Session Hall yna chhâh, MDC Recess Room kiapâh liata ypa a châ.

Puhpa Pheiki Solo he July 2023 liata MADC ry liata grading asâh chaipa ‘Senior Administrative Grade’ (SAG) lâ kiasâh ta, Secretary to District Council post liata patyupa a châ.

Puhpa Pheiki Solo, Secretary to District Council chata atanoh liata pavaosana daihti hmâtuhpa Rev. Z. Hrohmô, Assembly Secretary (Jr.) & ECM Siaha Vaihpi Biatuhpa, Puhpa C. Chehnei, Dy. Chairman, MADC Department hropa official lâ tawhta ahlao theipa Puhpa Beirokhu Beita, I & PO nata Puhpa Martin L. Hlychho, Cameraman zy hnoh ta alynabie reih ta, atanoh daihti hlaotloh thei nawpa ta abuakheituhpa ano yna Department Legislative Department (District Council Secretariat) liata Officers nata Staff nahzy hnoh ta alynabie a reih.

ISSUED BY:
Information & Publicity Department
Mara Autonomous District Council
Siaha.