SIAHA, 06 KHIHPA, 2024, Pachynoh – Atanoh dawh 10:30 AM pa ta Multipurpose Hall, Council Vaih, Siaha liata Mizo Hmeichhe Insuikhawm Pawl Golden Jubilee alyna programme âhmâhpa châ ta, Puhpa N. Viakhu, Hon’ble Chairman, MADC chata khichhai laipa (chief guest) châpa ta â hmâkhei ei.
Programme he Pihnô H. Lalawii, President, MHIP Sub. Hqrs. Siaha ta chhihtha ta, Pihnô Lalruatpuii C.O, The Salvation Army, Mizoram Gospel Centenary Corps, New Colony, Siaha ta Abeipa lâta pavaosana daihti â hmâh. Laihsa Lalrinkimi ta programme he pahnie kawpa ta a host.
Pihnô Lianzami, Secretary, MHIP Sub. Hqrs. Siaha ta report piena hnei ta, MHIP Branch, Meisatla zy ta pahnie kawpa ta opening song ama paryh.
Pihnô HC. Nakua, 1st President & Founder MHIP Sub. Hqrs. Siaha hnohta palyupalihna ryuchâ hlâpa châ ta, Pihnô HC. Nakua ta pasyuna bie pha kawpa reina a hnei pâ hra. Dr. Chawngkhuma Chawngthu, President Chhimtuipui Group YMA chhaota pasyuna bie pha kawpa reina a hnei hra.
Puhpa N. Viakhu, Chairman, MADC chata, MHIP â vaw duah tawhta tiama kawpa ta hria lymâ ei chi ta, Golden Jubilee alyna programme zy hmâh thei awpa a vaw châpa he aly’pa a châ hmeiseih, tahpa ta a reih.
“MHIP ta hâra deichhy byuhpa nata rietheipazy bao ngiahpa bao lymâ tyh ei chi ta, nama deichhy tyh tahpa pahno na ta ei ly hmeiseih,” tahpa ta khichhai laipa ta a reih.
Chairman chata, paritheipa heta eima râh thyutliapazy hro thata parao ta, tanoh he su liata avypazy tiama papua ta paritheipa he eima zydua ta eimâ dyuh via lymâ awpa he a peimawh ngaita kaw, tahpa ta a reih.
“MHIP ta NGO hropazy hrialâh dâh thai kaw ei chi ta, Khazohpa ta cha ypâ lymâ ei ta, nama hriapasana nata tiamana pazao lymâ ei chi ta, Golden Jubilee alyna programme zy â hmâh thei awpa ta he su liata alypa nata thapha kawpa ta â hmâh khoh thei pi ta, aly’pa a châ hmeiseih,” tahpa ta chairman ta a reih.
CH. Beikhochhi, Master trainer District Level Task Force on Ruihhlo Do chhaota pasyuna bie pha kawpa reina hnei ta, Puhpa J. Jeffrey Khara, Moonlight Editor chhaota pasyuna bie pha kawpa reina a hnei hra.
Napoleon Bonaparte ta, “Good mothers make good nation” a tahpa hawh nata George Herbert Palmer ta, “One good mother is worth a hundred schoolmasters” a tahpa hawhta nôzy ei chi he nama peimawh hmeiseih, tahpa ta khichhai laipa ta a reih.
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.18-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.19-PM-1-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.19-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.20-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.21-PM-1-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.21-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.22-PM-1-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.22-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.23-PM-1-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.23-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.24-PM-1-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.24-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.25-PM-1-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.25-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.26-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-06-at-1.42.27-PM-533x300.jpeg)
You must be logged in to post a comment.