PRESS RELEASE
NO.54/2024
SIAHA, 8 Thlazoh, 2024, Pobienoh – Industries Department, Mara Autonomous District Council (MADC) pachhuapanohpa ‘Steel and Aluminum Fabrication Training, 2024’ cha atanoh dawh 12:30 PM kha ta Agriculture Farmer’s Training Centre, MADC complex liata Puhpa MH. Tiabi, Hon’ble Executive Member (EM) i/c School Education (M/S), MADC ta Training pathao thei awpa ta a pahy.
Chief Guest Puhpa MH. Tiabi, Hon’ble EM ta biereina hnei ta, “hmoto zydua ama sôhna (value) he phusâ ta thliepa châ ta, chavâta phusâ la pangiana (income) eima hnei leipa a châ khiatala sôhna hnei ma pi tah thei’pa tlu a châ. Chavâta atanoh training awpata a chhuahpazy chi he tiama kawpa ta a train u la, sôh la pangiana pha kawpa a châ thei tahpa pahno ula ei khoh kaw” tahpa a reih.
“Keimolâ saw la hmo taopa he hnei hluh pi ta, anodeikua la income hneina awpa he eima pachâ peimawh leipa ta ei pahno. Hlaotlohna hnei awpa ta cha kuhria (skills) he sâkha lia chhâ eima master awpa he a pha.”
“Chavâta atanoh he liata training awpazy ei chi cha, palôruh hmeiseihpa ta a chupa ta, he he nietluana pha kawpa ta nama hmâ cheingei awpa ta ei khokheina ei cha hlâ ei” tahpa ta khokheina nata pasyuna bie pha kawpa a reih.
Steel and Aluminum Fabrication Training programme he Puhpa L. Duhkima, Asst. IDO chhithana ry liata ahmâpa châ ta, Puhpa Michael Lapi, IPO (Industries Department) ta devotion hmâh ta, Puhpa KH. Hachhua, IEO (G) ta vote of thanks a reih.
Puhpa K. Beingiachhie, Sr. EO (M/S), Puhpa JH. Beihnai, IDO, MADC nata Puhpa Thata Khaimechho, VSE Principal zy ta biereina ama hnei hra.
He hleikhôta Puhpa HC. Lalmama nata Laihsa Bethel Chozah zy ta thai kawpa ta hlasana ama hnei hra.
Thla thôh (3) chhôh ta achu awpa Steel and Aluminum Fabrication Training, 2024 he MADC Industries Department nata Vocational School of Education (VSE), College Vaih, Siaha apakaohpa ta pachhuapanohpa a châ.
ISSUED BY:
Information & Publicity Department
Mara Autonomous District Council
Siaha.
![](https://www.madconline.com/wp-content/uploads/2024/08/WhatsApp-Image-2024-08-08-at-3.04.58-PM-437x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.04.59-PM-616x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.00-PM-667x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.01-PM-410x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.02-PM-417x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.03-PM-667x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.04-PM-667x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.05-PM-419x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.07-PM-403x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.08-PM-667x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.09-PM-667x300.jpeg)
![](https://www.madconline.com/wp-content/uploads/2024/08/WhatsApp-Image-2024-08-08-at-3.05.10-PM-450x300.jpeg)
You must be logged in to post a comment.