PRESS RELEASE
No.58/2024

SIAHA, 15 Thlazoh, 2024, Pobienoh – Atanoh dawh 12:30 PM liata Puhpa M. Laikaw, Hon’ble CEM, MADC ta India ta khotalaina a hmôpa alyna ei 78-na noh liata CEM’s Bungalow, Siaha liata VIP’s ‘At Home’ Programme taopa ta hrua-eihpazy chhao ta alyna thopi dokheina a hnei.

Atakô India Independence Day alyna, Meisatlâh Playground liata a hmâpa liata Chief Guest châta Mizoram sawhkhâ ta a raopa Puhpa K. Sapdanga, Hon’ble Home Minister, Mizoram chhao VIP’s ‘At Home’ he â hlao thei hra.

VIP’s ‘At Home’ lia heta 12th Term MADC Elected Office Holders, MDC nata Ex-MDC zy hruapa châ ei ta, Siaha liata Mizoram sawhkhâ ry liata Heads of Departments & Offices zy, MADC ry lia Head of Departments zy, NGO Genenal Headquarters leader-zy hruapa ama châ.

Puhpa M. Laikaw, Hon’ble CEM, MADC chata hruana pachâ peimawhpa ta ama daihti sôh kawpa aparuapa VIP’s ‘At Home’ liata avaw hlao theipa zydua hnoh ta alynabie a reih.

ISSUED BY:
Information & Publicity Department
Mara Autonomous District Council
Siaha.