PRESS RELEASE
NO. 37/2024
SIAHA, 11 Chhiepa, 2024, Hriaheinoh – Atanoh my dawh 9:30 AM pa ta Inaugural Function of Green Mizoram Day 2024 program, E & F Conference Hall, MADC Complex liata ahmâpa liata Puhpa M. Laikaw, Hon’ble CEM, MADC cha khichhai laipa châta hruapa châ ta, program â thaona tawhta a chhâna taihta a hmâkhei ei.
Program he District Level Green Mizoram Committee, Siaha ta a pachhuapanohpa châ ta, Puhpa Ngurthansanga, SDO(S), Siaha ta chhihtha ta, Rev. AZ. Beirakaw, ES i/c Social Mission & Development, ECM Assembly ta Khazohpa bietapa (Hlazy 92:11-12) reina nata thlahchhâna a hnei. Laihsa Clara K. Melita ta hlasapa ta zawpi a palôpahawh.
Atakô Green Mizoram Day 2024 theme châta “Na hro n’awpa châta THO bo teh” tahpa hmâpa a châ.
Chief Guest Puhpa M. Laikaw, Hon’ble CEM ta short speech a reina liata atanoh programme liata a vaw hlao theipa, Department nata Mararâh represent tah thei awpa manôh zydua hnoh ta anaoh ta, Chief Guest tovyuh a pietuhpazy hnoh ta alynabie a reih. Hmoto tao awpa he ta achhuanohna (preparation) pha kawpa hnei awpa he peimawh kaw ta, eima râh Green Maraland tao awpa he ta Sawhkhâ Department dei châ leipa ta NGO nata Awnanopa zy chhao ta eima level chyu liata peimawh chyu pi ta, Mararâh he Green Maraland ta eima vaw tao ti ta Green Mizoram châ nata Green India châta Contribution lai kawpa eima tao thei awpa a châ tahpa a reih.
He kyh liata zawpi ta Awareness phapa eima hnei thei nawpa ta sawhkhâ Department nata NGO zy hriaparaoh awpa a peimawh tah ta, kôchareih ta thodaw eima bô/lo-pazy he mopazi lymâ a byuh tah ta, zawpi chhao ta, eima râh liata thokô rihkô eima hneipazy he azipa palôh phaopa ta mohôhna kyh liata Department nahzy abaokhâtuhpa châ si la, eima râh liata khichhai ta sawhkhâ rai a vaw hriapazy chhao ta azipa palôh phaoh awpa ta ahawna a tao hra.
Puhpa M. Laikaw, Hon’ble CEM chata, “he hmahlana kyh liata media chyhsazy ama peimawh kaw; zawpi lâ awareness pie hluh via lymâpa ta Tho he eima hrona a châ tahpa apachu hluh ei suh u. He Day program ahmâpa liata chhâ thlâh leipa ta zawpi pachu hluh si la, Green Maraland padua ei suh u” tahpa pahruana nata ahawna chhaota bie pha kawpa a reih.
Puhpa Thaly T. Azyu, CF, MADC ta ‘Best performing Village Level Fire Prevention Award & Report’ nata ‘Best Media in Fire Prevention Award’ raina conduct ta, ary liata palâsapazy hnoh ta Puhpa M. Laikaw, CEM ta a hlâ:-
Best performing Village Level Fire Prevention Award adaopazy:
- Chheihlu – Rs.50,000/- nata Citation.
- Saikao – Rs.30,000/- nata Citation.
- Amobyuh Vaithieh – Rs. 20,000/- nata Citation.
Puhpa Tiahlei Syuhlo, EM i/c E & F Department, MADC ‘Best Media in Fire Prevention Award’ (cash) adaopa, ary liata palâsapazy hnoh ta a hlâ ei:-
- Maraland – Rs.3,000/-
- Kawleng – Rs.2,000/-
- Moonlight – Rs.1,000/-
Atanoh myrâh liata Green Mizoram Day 2024 program ahmâna hnei khai tawhta Department nano nanopazy ta Group sâ 2 lâ ta apachhaih pa ta, Tipi Ferry lâpi nata Tisôpi lâpi kiapâh zy liata thodaw lona hnei pazaopa a châ.
ISSUED BY:
Information & Publicity Department
Mara Autonomous District Council
Siaha.
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.37-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.38-PM-1-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.38-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.39-PM-1-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.39-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.40-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.41-PM-1-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.41-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.42-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.43-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.45-PM-1-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.45-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.46-PM-1-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.46-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.47-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.48-PM-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.49-PM-1-450x300.jpeg)
![](https://www.madconline.com/wp-content/uploads/2024/06/WhatsApp-Image-2024-06-11-at-2.29.49-PM-450x300.jpeg)
You must be logged in to post a comment.