PRESS RELEASE
NO.68/2024

 
SIAHA, 04 Thlarâh, 2024, Pakhynoh – Atanoh dawh 12:00 Noon khata MADC Golden Jubilee Hall, MADC Complex, Siaha liata MADC NIELIT Study Centre, Siaha liata Course on Computer Concepts (CCC) achupatlôpa students 30 hnohta Certificate raina programme liata Puhpa M. Laikaw, Hon’ble CEM, MADC cha khichhai laipa (chief guest) châpa ta â hmâkhei ei.

Programme he Puhpa Pawsa Lava, AITO, MADC ta chhihtha ta, Rev. NC. Vabeilua ta Abeipa lâta pavaosana devotion daihti â hmâh.

Puhpa Colin C. Ngohai, ITO, MADC ta report piena nata CCC Certificate raina hnei ta, Satlia Sahcho, Batch-III, CCC student ta pahnie kawpa ta hlasapa ta zawpi a palôhpahawh.

Atanoh programme â hmâna lia heta CCC Course achupatlôpa students 30 hnohta CCC Certificate raipa châ ta, CCC Course achuhaipa students 96 ama y.

Puhpa M. Laikaw, Hon’ble CEM, MADC chata, atanoh CCC Certificate raina programme liata khichhai laipa châ awpa ta hruapa a châpa â lyzie a reih.

“Puhpa Colin C. Ngohai, ITO, MADC he NIC Aizawl liata hria ta, Promotion hmô ta South India lâ hria awpa châ ta, MADC liata Information Technology (IT) hmahpasiesa eima khoh vâta, MADC liata hria awpa ta hrua pi ta, eima hruana zy pachâ peimawhpa ta a hriapana a châ e,” tahpa ta khichhai laipa ta a reih.

CEM chata, CCC Course achuhaipazy cha tiama kawpa ta achu lymâ awpa ta a pasyu ei. “Eima za pih tawhta thlâkhaoh eimâ  ngia taih heta, achu awpa he chhâ thai vei na,” tahpa ta khichhai laipa ta a reih.

“Parina chôta Office vaw kiahpa cha a byuhna hawhta action eima la lymâ aw. Mararâh liata paritheipa eimâ dyuh lymâ aw,” tahpa ta khichhai laipa ta a reih.

CCC course achupatlôpa B. Vabeibyhnadaosa chhaota pasyunabie pha kawpa reina a hnei hra.

Puhpa Pawsa Lava, AITO ta vote of thanks reina a hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.

ISSUED BY:
Information & Publicity Department
Mara Autonomous District Council
Siaha.