PRESS RELEASE
NO.38/2024

SIAHA, 3 Khihpa, 2024, Pakhynoh – Atanoh dawh 1:00 PM pa ta MADC Golden Jubilee Hall, Siaha liata ‘Oath-taking Ceremony of newly appointed Executive Member’ programme taopa liata 08 – Siata Bia tawhta Member of District Council(MDC) atlypatlohpa Puhpa M. Chiadung, Chairman, Town Committee châna a patu ngâhaipa cha Mara Autonomous District Council (MADC), 12th term Executive Member(EM) thiehpa châta la pangiapa a châ.

Oath-taking Ceremony he Puhpa K. Vanlalliana, Executive Secretary, MADC ta chhihtha ta, bietaina pahneisa hlâta Governor of Mizoram tawhta Executive Member raona appointment châ Notification cha Chairman ta reipapuana hnei ta, he khai tawhta Puhpa Lalngaihmawia Zote, Judge, Fast Track Court, Siaha District, Siaha ta ‘Oath of Secrecy’ a pahneisa.

Daihti chhâna liata Rev. Pheitha Lava, Executive Secretary i/c Mission, ECM Assembly, Siaha ta Hlazy 37:1-5 tawhta Khazohpa bie reipapuana hnei ta, EM thiehpa châta byhnâ awna thlahchhâna daihti a hmâh.

Mara Autonomous District Council ry liata Executive Member post sâ 9 ypa liata sâ 1 ruapa, atanoh liata pabiepa he Mizoram Legislative Assembly General Election, 2023 liata Puhpa K. Hrahmô ta 40-Palak(ST) A/C tawhta MLA a tlohpa cha 12th Term MADC liata MDC nata EM châna â pabâ vâta pabie byuhpa a châ.

ISSUED BY:
Information & Publicity Department
Mara Autonomous District Council
Siaha.