Puhpa K. Sapdanga, Hon’ble Home Minister, Mizoram ta MADC vaw tly

Posted by on August 16, 2024

PRESS RELEASE
NO.57/2024

SIAHA, 15 Thlazoh, 2024, Pobienoh – Atamy dawh 7:00 AM kha ta Puhpa K. Sapdanga, Hon’ble Home Minister of Mizoram ta Mara Autonomous District Council (MADC) vaw tlypa ta CEM’s Conference Hall liata 12th Term elected office holders nata MADC ry liata Head of Departments zy thopi dokheina a hnei.

He daihti liata Puhpa M. Laikaw, Hon’ble Chief Executive Member, MADC ta MADC nata Mararâh vyuhpa ta MADC ôna chhôh liata eima peimawhpa, Mizoram sawhkhâ Home Department mohôhna ry liata ypa ary liata palâsapazy he châ rohpa ta tlôkhei ta, he daihti liata reipakawhna a hnei pâ hra.

  1. District Council (MADC) Court liata Police constable nata ASI zy â-ipa (permanent) ta miah sopa awpa ta.
  2. Siaha District chhôh liata Police adaih leinazy miah mokhei awpa zy, infrastructures – District Jail Building nata chapel zy nata Staff quarter sa pathi awpa hleikhô ta Siaha District liata police quarter-zy he a paroh kaw sai bâ vâta sa pathi khai awpa ta.
  3. Siaha District liata Urban Development & Poverty Alleviation (UD & PA) Department he MADC ku liata hlâ awpa.

Puhpa K. Chhuabei, Hon’ble EM i/c LAD, MADC chhao ta Siaha khihpi liata eima hmâ chaipa Siaha Tlyliah (Siaha Vaihpi Field) he, zawpi ahmaosiah nawpa châta hmâtlâh a châ via thei nawpa ta miah mokhei awpa ta ahawna a tao hra.

Puhpa K. Sapdanga, Hon’ble Home Minister chata, atamy liata apakyhna phapa ama hneitheipa cha aly â chhihzie reih ta, MADC nôpawpazy ta ama vaw tlôkheipa cha a theina hawhta a vaw moh pazi aw tahpa a reih.

Puhpa K. Sapdanga, Hon’ble Home Minister he Siaha liata India Independence Day a hmâna liata Chief Guest châ awpa ta Siaha kaw tlô ta, atamy liata MADC office he a vaw tlypa châ ta, he daihti liata Mizoram sawhkhâ ry liata official thokhazy ta ama vaw zi hra.

Puhpa M. Laikaw, Hon’ble Chief Executive Member, MADC chata Minister hry liata MADC miah a vaw tly tua chaipa a châ vâta nata atanoh liata a daihti paruapa ta MADC a vaw tlypa vâta Puhpa K. Sapdanga, Hon’ble Home Minister hnoh ta MADC vyuhpa ta alynabie a reih.

ISSUED BY:
Information & Publicity Department
Mara Autonomous District Council
Siaha.