PRESS RELEASE
NO.45/2024
SIAHA, 19 Khihpa, 2024, Chutynoh – Atamy dawh 11:00 AM khata CEM’s Conference Hall, MADC Complex liata MADC Cooperation Department portfolio to thiehpa Puhpa Beirahmo Syhly, Executive Member (EM), MADC ta Cooperation Department, MADC liata Officers & Staff zy nata Siaha District Cooperative Union (SDCU) chhithatuhpazy thopi dokheina nata apakyhna daihti a hmâkhei.
He daihti liana heta Department hmahsie via nawpa dâh nata hmahlana a y thei awpa kyh zy reipahmaohpa a châ. Cooperation Department, MADC nata SDCU lâ tawhta hmo peimawhpa nata rairuna ama hneipazy ama tlôkhei hra.
Puhpa Beirahmo Syhly, Executive Member zachhihpa chhaota Cooperation Department hmah a sie via thei nawpata a theina zydua papuapa ta hmahla â chhuah zie zy reih ta, Cooperation Department liata hriatuhpazy nata SDCU zy cha hrialâh phapa châ awpa ta ahawna nata hruana a tao hra.
He daihti liata hrua-eihpa Puhpa B. Dawpho, MDC chhao meeting â hlao thei hra.
Puhpa Beirahmô Syhly, Executive Member, MADC he a mohôh ngâhaipa Rural Development Department nata Road Transport Department hleikhô ta GAD Notification No.A.16011/2/2021-GAD of 8th July, 2024 bie hawhta Cooperation Department he ano mohôh awpa ta portfolio piepa a châna hawhta a department mohôhna ry liata peimawhpa nata angiahpazy reilâh awpa ta MADC Cooperation Department liata hriatuhpazy nata SDCU leader-zy he atanoh liata thopi dokheina a hneipa a châ.
ISSUED BY:
Information & Publicity Department
Mara Autonomous District Council
Siaha.
![](https://www.madconline.com/wp-content/uploads/2024/07/WhatsApp-Image-2024-07-19-at-2.00.51-PM-509x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-19-at-2.00.52-PM-508x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-19-at-2.01.00-PM-508x300.jpeg)
You must be logged in to post a comment.