MADC Monsoon Session 2024 cha apalâ kawpa ta hnei patlôpa a châ

Posted by on July 25, 2024

PRESS RELEASE
NO.49/2024

SIAHA, 25 Khihpa, 2024, Pobienoh – Noh 2 chhôh ôpa Mara Autonomous District Council (MADC) Monsoon Session cha a noh no(2) nawpa ta atamy dawh 10:30 AM kha ta MADC Session Hall liata hnei pazaopa a châ.

Atanoh atyupahmaohna he myrâh hiahrina nata achhyna hmâpa daihti liata Puhpa C. Chehnei, Dy. Chairman ta chhihtha ta, zâlâ liata Bills & Rules reipahmaohna nata apykheina hmâpa daihti liata Puhpa N. Viakhu, Chairman ta a chhihtha.

A tliata liata miah a pahâsaipa Pihnô N. Gracy, MDC ‘L’ (thi noh 09.05.2024) nata Puhpa HC. Chhiesa, Ex-MDC ‘L’ (thi noh 10.07.2024) zy taokheina cha a noh khana târi 24.7.2024 liata hmâpa châ ta, Chairman ta ama thâtih tlâhpipa reina hnei ta, Puhpa M. Manasia, MDC, 19-Siaha North-II Constituency, Puhpa H. Malvina, MDC, 2-Phura Constituency, Puhpa MH. Tiabi, MDC, 5-Chhaolô Constituency nata Puhpa N. Zakhai, MDC, 14-Amôbyuh Constituency zy ta pasaileina nata taokheina bie ama reih.

Atakô Monsoon Session atyupahmaohpa liata Starred question (pakah ta chhy awpa) sâ 14 y ta, unstarred question (ropa ta achhy awpa) sâ 1 y ta, unstarred question he member-zy atyuna dawkâh liata achhy chiehpa ta sopa châ ta, starred question sâ 14-pazy he atyupahmaoh daihti noh 2 chhôh liata hiahrina nata achhyna tao khai theipa a châ.

Zâhnia lâ liata phawpa Bills nata Rules, a ry liata palâsapazy atanoh liata pass pa a châ:-

Official Bills: –

  1. The Mara Autonomous District Council (Town Committees or Councils) Bill, 2024

Official Rules: –

  1. The Mara Autonomous District Council (Salaries, Allowances and Pension of Members) (Seventh Amendment) Rules, 2024
  2. The Mara Autonomous District Council (Social Welfare Department Group ‘B’ Posts) Recruitment Rules, 2024

Atahmâ atyupahmaohna liata official resolution angiakheipa “Mizoram: The Scheduled Castes and Scheduled Tribes list (modification) order 1956 nata Act 81 of 1971 List No.8 liata LAKHER tahpa he MARA tahpa ta India sawhkhâ ta maniah thlapa mawh sy” tahpa cha zâhnia zâlâ atyupahmaohna liata pass-pa a châ hra.

MADC Monsoon Session 2024 he zâlâ dawh 2:20 PM pa ta Puhpa N. Viakhu, Chairman, MADC ta daihti taihpa y leipa ta a pachhâsa.

ISSUED BY:
Information & Publicity Department
Mara Autonomous District Council
Siaha.