PRESS RELEASE
NO.47/2024
SIAHA, 22 Khihpa, 2024, Hriatuanoh – Atanoh dawh 2:00 PM khata Mara Autonomous District Council (MADC) Executive Secretary official chamber liata Court President & Recorder (CP&R) thiehpa Pihnô S. Lalmuanpuii ta Puhpa K. Vanlalliana, Executive Secretary a châ ngâhaipa nata CP&R apakaohpa tawhta biehneina charge a la.
Daihti thaona liata Puhpa K. Vanlalliana, ES ta daihti pavaosana a hnei khai tawhta Puhpa H. Vabeikhai, Asst. Court Officer ta Law & Judicial Department vyuhpa ta biereina nata report chyupa pie ta, CP&R thiehpa pahno awpa ta Officer nata Staff nahzy hmiapahnosana hnei ta, Department ta Outgoing CP&R Puhpa K. Vanlalliana, ES, MADC ama izie nata ama pasai leizie reina chhao hnei ta, ano CP&R a châ daihti 2021 – 2024 chhôh liata a hmahlana tlâhpipazy chhao repapuana a hnei. He daihti chhôh liata Department ry liata Officer nata Staff nahzy taochheipa nata palôh apasasanazy a y pathlei khiah angiahthai awpa ta Departent vyuhpa ta ahawna a tao hra.
Puhpa K. Vanlalliana, ES chata biereina chyupa daihti a hmâna liata ano rei ama zy tyhpa hawhta ama pihnô thiehpa rei chhao zyh awpa ta Officers nata staff zy pasyuna bie reih ta, kô 3 hlei tlai Law & Judicial Department a vaw mohôh khô lâ ta, maophaohna lai viapa a ngiatlâh liata â pahniehpa vâta CP&R cha a pathlie a byuh tahpa reih ta, he daihti chhôh ta officers nata staff nahzy hriaparaohna phapa zydua vâta alynabie reih ta, Mararâh châta hriapa ta hmialâ ama sie lymâ nawpa liata Law & Judicial Department ry liata Officer nata Staff zydu khokheina a hlâ ei.
Pihnô S. Lalmuanpuii, CP&R thiehpa chhaoa biereina chyupa hmâh ta, Law & Judicial Department he hmialâ daihti liata a vaw mohôh chiehpa châ ta, Officer nata staff zy cha hrialâh phapa châ awpa ta ahaw ta, Puhpa K. Vanlalliana, ES hnoh chhao ta, abyuhna nata â ngiahna lia maih ta pasopakâ lymâ awpa ta ahawna a tao hra.
Pihnô S. Lalmuanpuii he Senior Local Administration Officer rai hria ngâhaipa châ ta, CP&R charge lâ pâ awpa ta Department of Personnel & Administration Reforms Notification No.A.12023/2/2024/DP&AR-MADC of 08.072024 bie hawhta atanoh liata CP&R he charge a lapa a châ.
ISSUED BY:
Information & Publicity Department
Mara Autonomous District Council
Siaha.
![](https://www.madconline.com/wp-content/uploads/2024/07/WhatsApp-Image-2024-07-22-at-3.55.53-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.55.54-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.55.55-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.55.56-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.55.57-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.55.58-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.55.59-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.56.01-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.56.02-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.56.04-PM-450x300.jpeg)
![](https://www.madconline.com/wp-content/uploads/2024/07/WhatsApp-Image-2024-07-22-at-3.56.05-PM-450x300.jpeg)
You must be logged in to post a comment.