PRESS RELEASE
NO.86/2024

 
SIAHA, 08 Phiata, 2024, Hriaheinoh – Atanoh dawh 1:00PM khata Mara Autonomous District Council 12th term châta nominated Member of District Council Oath taking Ceremony hneipa châ ta, Governor of Mizoram ta a vaw appoint pa Pihnô A. Nelly cha dâh ta â hnawpa hawhta Oath of Secrecy lapa ta nominated Member of District Council châta lapangiapa a châ. 

Oath taking Ceremony he MADC Golden Jubilee Hall, Siaha liata hneipa châ ta, Puhpa Pheiki Solo, Secretary to the District Council, Mara Autonomous District Council ta chhihtha ta, Pihnô S. Lalmuanpuii, Court President & Recorder, District Council Court, Mara Autonomous District Council ta Pihnô A. Nelly cha Oath of Secrecy a pahneisa.

Puhpa Pheiki Solo, Secretary to the District Council, Mara Autonomous District Council ta Governor of Mizoram tawhta nominated Member of District Council pasaina châ Notification reihpapuana hnei ta, Rev. Z. Hrohmo, Siaha Biatuhpa Pastor, Evangelical Church of Maraland ta Bible reading & prayer daihti a hmâh. 
 
Abeipa thlahchhâna (The Lord’s Prayer) reihparaohpa ta Oath taking Ceremony pachhâsapa a châ.  

ISSUED BY:
Information & Publicity Department
Mara Autonomous District Council
Siaha.